Speed Shrimp ජංගම යෙදුම

ඉස්සන් වගාව ලෝකයේ ඉතාමත්ම ලාභදායක ව්‍යාපාරයක් වන නමුත්, ඉස්සන්ට වැළඳෙන EHP, White Spot Syndrome Virus, Early motility Syndrome  ඇතුළු නොයෙකුත් ලෙඩරෝග නිසාත්, ඉස්සන්ගේ අඩු වර්ධන වේගය නිසාත්, දැන් දැන් ඉස්සන් වගාවෙන් ගොවීන්ට පාඩු සිදුවීමේ වැඩි අවදානමක් පවතී. ගොවීන්ට දිගින් දිගටම පාඩු සිදුවීමෙන් ගොවීන් වගා කටයූතුවලින් ඉවත්වයෑමේ ප‍්‍රවනතාවයක් ඇතිවෙමින් පවතින අතර,එය ඉස්සන් අභිජනාගාරවලට, ඉස්සන් ආහාර නිෂ්පාදකයන්ට, ඉස්සන් ආහාර ආනයනකරුවන්ට, ඉස්සන් වගාව සඳහා අවශ්‍ය යෙදුුම් හා උපකරණ සපයන්නන්ට හා වගාබිම් සේවකයන්ට කෙලින්ම බලපාන නිසා, සමස්ථ ඉස්සන් වගා කර්මාන්තයම කඩාවැටීමේ ඉතා විශාල අවදානමක් මේ වනවිට ලොවපුරා පවතී.

මේ පිළිබඳව ගැඹුරු අධ්‍යයනයක් කිරීමෙන් පසු, බොහෝ ගොවීන් සෑම සතියකම තම වගා පොකුණුවල ඉස්සන්ගේ වර්ධන වේගය සමීපව නිරීක්ෂණය කරනා නමුත්, ඔවුන් ඉස්සන්ගේ සතියේ වර්ධනයට සාපේක්ෂව සතියේ නිශ්පාදන වියදම විශ්ලේෂණයකර නොබලන බවත්,එම හේතුව මත පොකුනේ අවසාන අස්වැන්න නෙලාගන්නා තුරු ගොවීන් ඔවුන්ගේ වගාවේ මූල්‍යමය තත්වය නොදැන සිටිනා බවත් හඳුනාගන්නා ලදී. මෙය මුලූ මහත් ඉස්සන් වගා කර්මාන්තයටම විශාල අභියෝගයක් එල්ල කරයි. කෙසේ වෙතත්, ඔවුන්ගේ පොකුණුවල මූල්‍ය සංවර්ධනය සඳහා තීරණාත්මක වන ඉස්සන්ගේ වර්ධනයට සාපේක්ෂව අනෙකුත් සතිපතා වියදම්  විශ්ලේෂණය කිරීමටත්, සතියෙන් සතිය වගා පොකුණ මුල්‍යමය වශයෙන් ගමන් කරනා දිශානතිය පිලිබඳව විශ්ලේෂණය කරගැනීමටත්, ඔවුන්ට උපකාර අවශ්‍යවේ. මෙම ගැටළුව විසඳීම සඳහා තිරසාරව ඉස්සන් වගා කරන ප‍්‍රමුඛ රටවල විශේෂඥයින් කණ්ඩායමක් එක්ව, ˜Speed Shrimp˜  ජංගම යෙදුම සංවර්ධනය කිරීමට එක්විය. මෙම මුලපිරීමේ මූලික අරමුණ වූයේ ගොවීන්ට ස්ථාවර හා ආරක්ෂාකාරී වගාවක් පවත්වාගෙන යෑමට සහයෝගය දැක්වීම තුළින්, සමස්ථ කර්මාන්තයම කඩාවැටීමේ අවදානමෙන් ආරක්ෂා කරගැනීමයි. ˜Speed Shrimp˜යනු, තිරසාරව ඉස්සන් වගාව පවත්වාගෙන යාමට සහ වැඩිදියුණු කිරීමට, පර්යේෂණ සොයාගැනීම්, හොඳම භාවිතයන්, මාර්ගෝපදේශ සහ ප‍්‍රායෝගික විසඳුම් ඒකාබද්ධ කරන ස්මාර්ට්ෆෝන් යෙදුමකි.